Во Струмица вакцинирани околу 3 600 лица, постарите и изнемоштени се вакцинираат дома

56

Расте интересот кај струмичани за вакцинација против ковид 19. Според информациите од Здравствениот дом, имунизацијата во Струмица тече без проблеми. Заклучно до 27 мај или за десетина дена откако почна да функционира пунктот за масовна имунизација, вакцинирани се околу 3 600 лица. Паралелно ова здравствена установа овозможува  вакцинација на стари и изнемоштени лица кои добиле термин но не се во можност да дојдат во пункотот

,,Во текот на оваа недела од кога почнавме во школската сала на училиштето
Никола Вапцаров веќе се вакцинирани околу 3600 луѓе од кои 3000 со
Синофарм прва доза и преку 500 со втора доза на Фајзер. Има граѓани што добија термин, а не може да дојдат па ги пријавуваме тука кај нас и кога ќе се собере поголема бројка одиме во домашни услови да ги вакцинираме тие луѓе. Во последната акција беа вакцинирани 13 такви луѓе кои се неподвижни поради болест или возраст. Постои можност за тие такви граѓани кои се неподвижни некој да дојде да ги пријави и во наредните денови кога ќе имаме можности и услови да ги вакцинираме сите граѓани кои се заинтересирани за тоа,, вели доктор Милан Гудев, раководител на смена на вакцинален пункт.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.