Во среда во Валандово во Домот на културата ,,Книжевни разговори со Венко Андоновски”

1321
Македонски писател, раскажувач, романописец, есеист, критичар и книжевен теоретичар Венко Андоновски во среда на 20 ти ноември во 19 часот во  Домот на културата ,,25 ти Мај” ќе одржи книжевни разговори, при што посетителите лубителите на пишаниот збор ќе имаат можност директно да разговараат со него но и да добијат и дел од неговото богато творештво бидејки доаѓа со неговата продукциска куќа.

Во рамките на Книжевните разговори со Андоновски, ќе се опфатат темите кои ги третират вредносните системи, актуелниот миг, книжевните награди, генерациското обновување и промоцијата на македонската книжевност. Како што не информираа организаторите од Домот на културата, на настанот ќе бидат отворени голем број прашања формулирани врз основа на творештвото на авторот и прашања кои што ќе изнесат негови одредени ставови и видувања.

Андоновски важи за еден од најпознатите и најквалитетнни македонски писатели и добитник на многу награди и признанија како во земјава така и во странство. Тој  создаде имиџ на тврдокорен интелектуалец кој не страда од желбата да им се умилкува на моќните елити. Сам и свој, доследно ја гради професорската и книжевната кариера на прозаист, драмски писател и литературен критичар. Како мајстор на книжевниот занает отсекогаш бил растргнат на повеќе страни.

Негови поважни дела се: „Фрески и гротески“ (раскази), „Азбука за непослушните“ (роман), „Папокот на светот“ (роман), „Вештица“ (роман), „Адска машина (драма), „Бунт во домот за страрци“ (драма), „Словенечкиот ковчег“ (драма), „Кандид во земјата на чудата (драма), „Кинегонда во Карлаленд“ (драма), „Граница“ (драма), „Ќерката на математичарот“ (роман), „Припитомување на кучката“ (збирка раскази).

Добитник е на сите македонски награди за проза и драма како и на меѓународната награда „Балканика“ за романот „Папокот на светот“. Преведуван е на повеќе јазици низ Балканот и Европа и работи како професор по филолошки науки.
Книжевните разговори со Венко Андоновски го организира Домот на културата ,,25 ти Мај” под покровителство на општина Валандово и градоначалникот Перо Костадинов.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.