Граѓанското здружение ,,Скај плус’’ од Струмица го промовираше проектот за медиумска писменост насловен како „Јутјуберска платформа за медиумска реформа“. Целт на проектот е да иницира младите да креираат видеа со кои ќе упатуваат порака дека, не секоја вест што се пласира во медиумите е вистинска и професионална. Проектот здружението ,,Скај плус’’ ќе го реализира со регионалната ТВ Канал ВИС при што се планирани повеќе активности
Како што информираше Стојне Митева претседател на здружението, планирано е да се спроведат обуки низ средните училишта во Југоистокот меѓу средношколците и преку анкети ќе се селектираат млади кои само ќе изработуваат јутјуб видеа за медиумската писменост со пораки за распознавање на лажни од вистински и професионални од непроверени вести
,,Основната цел на проектот е заедно со средношколците да креираме платформа каде ќе се поставуваат видеа, достапни за нив а ќе се однесуваат токму за медиумската писменост и како полесно да откријат лажни вести. Сакаме да помогнеме младите а воопшто и на граѓаните дека медиумската писменост е основа за отстранување на лошите патишта кои самата лажна вест ги носи,, кажа Стојне Митева од здружението Скај плус
Скај Плус е суб – грантист на проектот „Со критичко мислење до граѓани со медиумска писменост“, финансиран од Европската унија, а спроведен во земјава од Фондација Метаморфозис и Еуротинк – Центар за Европски стратегии.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
