Во општина Гевгелија се инвестираат 2,5 милиони евра, до јули 2023 Негорци и Прдејци ќе добијат нови водоснабдителни системи

287

До јули 2023 година населените места Негорци и Прдејци во општина Гевгелија треба да добијат нови водоснабдителни системи со што ќе се реши долгогодишниот проблем на овие населени места со водоснабдувањето. Станува збор за проект кој се финансира со грант од KfW германската развојна банка кој предвидува и реалзиација на други проекти во висина од 2,5 милиони евра

,, Започнавме со изградба на новите водоснабдителни системи за населените места Негорци и Прдејци со вкупна должина од 6.405 метри, како и реконструкција на дел од водоводната линија до Богородица. Со ова ќе се реши долгогодишниот проблем за редовно и квалитетно водоснабдување на околу 5.500 жители од населените места Негорци, Прдејци и Богородица,, објави градоначалникот на Гевгелија Андон Сарамандов кој со лидерот на опозициската ВМРО ДПМНЕ Христијан Мицковски направија увид во градежнтие работи

Со грантот ќе се гради и атмосферска канализациона линија долж целиот јужен дел на Гевгелија на потегот Динќот до железничката станица во Гевгелија но и атмосферска  канализација на улиците „Никола Карев“ и „Серменинска“,, со вкупна должина од 6.388 метри.

,,Во оваа прилика сакам да истакнам дека ќе трае целиот проект некаде околу 500 дена и во овој период ќе има градежни активности на различни места во нашата општина што ќе придонесе во одредени периоди да има и отежнато движење на сообраќајот на одредени места. Затоа барам и апелирам до моите сограѓани за трпение до завршување на овој проект, кој што е од суштинско значење и од голем бенефит на сите граѓани на општина Гевгелија,, кажа градоначалникот Сарамандов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.