Во Гевгелија ќе има организиран дочек на Новата година со богата музичка програма од локални изведувачи !

4016

Првиот човек на општина Гевгелија Андон Сарамандов објави дека на градскиот плоштад на 31 декември ќе има организиран дочек на Новата 2023 година  а за забавата ќе се погрижат локални изведувачи. Според Сарамандов традицијата треба да се негува и гевгеличани заеднички да ја испратат старата и да ја дочекат Новата година како сите урбани места каде се негува богата музичка и културна програма.

,,Гевгелија заслужува да биде урбано место со богата музичка и културна програма. Оваа година Општина Гевгелија повторно организира дочек за новогодишната ноќ. Водејќи се од тоа дека традицијата треба да се негува, граѓаните повторно ќе имаат можност заеднички да ја дочекаат Новата 2023 година на Градскиот плоштад во Гевгелија. Овогодишната прослава на Градскиот плоштад се организира со локални изведувачи. Целта е новогодишниот дочек да мине во пријатен амбиент со музика за сечиј вкус, а во изведба да бидат вклучени наши афирмирани и помлади гевгелиски музичари. Ентузијазмот за афирмирање на музиката во Гевгелија е нешто што треба да го негуваме. На новогодишната прослава ќе учествуваат : ДЈ Милан, Христијан Митровски, Крџев со бенд, Филип Хаџикојчев со бенд, Оливера Станковска и Лајв бенд,, напиша Сарамандов на социјалните мрежи

Организиран дочек  имаше и на 2022 година кога на градскиот плоштад посетителите ги забавуваа дуото Борис Ќаев и Мартин Костадинов, Оливера Станковска, „Лајф бенд“, „Фрка бенд“, Дејан Малзарков, „Панта реи“ и DJ Mad Kid

Фото ФБ од дочекот на 2022 на плоштадот во Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.