Возачот кој превезуваше мигранти и предизвика сообраќајка кај Василево ќе одговaра за две кривични дела

1184

Скопјанецот кој пред една недела предизвика сообраќајка на патот Струмица-Радовиш кај раскрсницата пред Василево заработи две кривични пријави и ќе одговара за криумчарење мигранти и тешки дела против безбедноста на луѓето и имотот во сообраќајот. Двете пријави се поднесени од Регионалниот центар за Гранични работи Исток, откако како возач на патничко возило ,,опел астра’’ превезувал мигранти и предизвика сообраќајка пред Василево во која едно лице од Градашроци загина а седум други беа повредени и префрлени во струмичката болница.

,,Регионалниот центар за Гранични работи Исток поднесе кривична пријава против Е.С.(55) од Скопје, поради постоење основи на сомнение за сторено кривично дело “криумчарење мигранти“ и “тешки дела против безбедноста на луѓето и имотот во сообраќајот“. На 08.06.2020 пријавениот со патничко возило „опел астра“ на магистралниот пат Струмица–Радовиш, пред раскрсницата за с.Василево превезувајќи 11 мигранти од Пакистан предизвикал сообраќајна незгода во која едно лице го загубило животот, две лица се здобиле со тешки телесни повреди и пет лица се здобиле со телесни повреди,, стои во информацијата од МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.