Владата ги објави имињата на фирмите кои добиле пари за октомвриска плата но не ја исплатиле – има и од Југоистокот

861

Владата ги објави имињата на сите 179 фирми во земјава кои добиле финансиска поддршка за исплата на плати за месец Октомври 2020 година но не ги исплатиле на работниците. Завчера директорката на УЈП Сања Лукаревска соопшти дека вкупно 179 работодавачи примиле финансиска поддршка за месец октомври 2020 во износ од 5.271.771 денари, не ја исполниле обврската за исплата на плата за 338 вработени.

Согласно списокот објавен од Владата има фирми и од Југоистокот . Станува збор за мали фирми со по еден , три и шест вработени кои според УЈП не ја поминале платата во предвидениот рок а се од повеќе области. Има од Струмица, Ново Село, Конче, Валандово и Гевгелија.

Кои се фирми добиле финансиска поддршка за исплата на плати за Октомври а не ги исплатиле можете да ги видите ТУКА

Надлежните најавија дека компаниите што ќе ја злоупотребат помошта ќе бидат казнети парично, но подлежат и на кривична одговорност.

Глобите се движат од 500 до 1.000 евра за микрофирма, од 500 до 2.000 евра за мала фирма, од 1.000 до 6.000 евра за средна и од 1.000 до 10.000 евра за голема фирма.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.