Ваучерите го наполнија Дојран, се прават резервации и за септември а за гостите се отворат и нови плажи (фото)

2834

Околу 80 одсто од сместувачките капацитети во Дојран се веќе исполнети од страна на корисниците на ваучерите ,,Дома си е дома’’ што ги дава државата за да се спаси туристичкиот сектор од последиците на коронакризата. За викендит и да нема место каде цените за 4 креветно студио или апартман во приватните вили се движат од 20 до 30 евра од ден. Претежно гостите се од Скопје и источна Македонија кои во Дојран отседнуваат по  четири до седум  дена или во зависност дали се оди со еден или два ваучери фамилијарно.

,, 90 одсто од гостите ни се со ваучери. Само што завршија изборите дневно по 100 тина заинтересирани ни се јавуваат сместување но за жал во нашата вила сите студиа и апартмани се закупени заклучно со август. Веќе има интерес и за одмор и престој овде и за месец септември. Мислам дека ова мерка односно ваучери треба да ја има и кога ќе заврши кризата,,  кажа Роза Режак издавач на соби во Дојран објави порталот СДК.

Според порталот во Дојран во моментов викендов престојуваат повеќе илјади гости. Општинските власти апелираа а се почитуваат владините мерки и протоколи против ковид-19 а за да се спречи групирањето на гостите, општината отвори нови простори за плажи со што не се забележани гужви покрај крајбрежјето

,, Според нашите сознанија околу 80 одсто од сместувачките капацитети се полни во Дојран. За Илинден се бара легло повеќе. Наши комунални редари постојано се на терен со укажувања да се носат маски и да се одржува физичка дистанца и апелираме да се придржуваат на владините мерки и протоколи. Од таа причина пред стартот на сезоната отворивме и уредивме нови простори за плажирање за да може гостите да не се сконцентрират на едно место. Сметам дека ќе имаме продолжена туристичка сезона,, ни изјави Анго Ангов градоначалник на Дојран

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.