Васоски дојде во Академија Пандев и како нов тренер се запозна со условите за работа во комплексот ,,Пандев” (фото)

1776

Александар Васоски кој до завчера го водеше скопски Вардар од денеска и официјално стана тренер на ,,пандевци”. Според информациите на Дрнка.МК, тој сениорската екипа на Академија Пандев ќе ја предводи до крајот на оваа и следната првенствена сезона. Васоски минатата сезона во услови на корона криза со Вардар успеа да ја освои Шампионската титула и да покаже добри резултати во есенската полуетапа.

Во присуство на Сашко Пандев кој е и директор на клубот, Венера Хаџискерлева раководителка на комплексот и неговиот поранешен колега од Вардар – Дени Масев, Васоски го посети и СРЦ ,,Пандев” и се запозна со условите за работа во комплексот, каде фудбалерите на Академијата тренираат и ги играат мечевите ова сезона

Васоски го превзеде сениорскиот состав на Академија Пандев откако му истече договорот на Југослав Тренчовски од три месеци откако претходно Таневски си поднесе оставка од функцијата шеф на стручниот штаб. Тој за Дрнка.МК кажа дека се надева на нови успеси и во Струмица.

Фото Дрнка.МК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.