Младост Богданци се спрема за Супер лигата и ќе биде тврд орев за сите, велат од клубот кој носи елитен ракомет во Богданци

2390

РК Младост Богданци ова сезона ќе биде во ракометната елита. Иако не се знае во која група ќе биде и кои ќе бидат противниците во Супер лигата, богданчани веќе сериозно се спремаат за да го вратат сјајот на ракометот во овој град, оти своевремено Богданци  беше местото каде се решаваше ракометниот Шампион на Македонија. Никола Роглев од РК Младост Богданци вели дека максимално ќе ја искористат шансата што им се укажа, оти клубот е регионален проект поддржан од општините Богданци, Дојран и Валандово каде имат свои погони односно школи.

,,После 12 години Богданци и околината ќе има можност повторно да гледа елитен ракомет со пласманот во Супер Лигата. Искрено сезонава не го очекувавме тоа, бидејки располагаме со многу млади играчи кои се уште не се спремни за тој предизвик, но откако дознавме за можноста почнавме сериозно да размислуваме за предизвикот, едно нешто што не мотивираше беше тоа што овој предизвик ќе претставува голема шанса за напредок на младите играчи каде ќе тренираат и играат на највисоко ниво,, вели Роглев

На крајот на овој месец, РК Младост Богданци ги почнуваат подготовките за новата сезона. Целта и визијата ќе им биде опстанок но тоа не значи дека ќе бидат лесен плен за сите што ќе гостуваат во овој град каде своевремно секој живееше со ракометот

,, Визијата и целта во новата сезона ке биде опстанок во лигата. Ќе биде многу тешка сезона, конкуренцијата и квалитетот се големи сезонава во лигата, исчекор повеке веке ќе има секако веќе направен е ангажман на двајца наши поранешни искусни ракометари како и засилување на 2-3 играчи од страна, со кои треба да се подигне квалитетот во играта со цел опстанок во елитатата’’, вели Роглев

Инаку во новиот суперлигаш дојдоа Иван Стојчевски и Никола Димитров кои играт на позицијата десно крило, како и пикерот Небојша Василевски но и искусниот Горан Лисичков .

Инаку РК Младост Богданиц пријави и младинска и пионерска екипа за новата сезона. Дел од мечевите во младинските лиги  ќе се играат во соседните општини во кои имаат ракометни школи

Потсетување како беше на мечевите на РК Младост Богданци

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.