Богданци ги утврди улиците кои ќе ги реконструира со средствата одобрени за ова општина од заемот на Светска Банка

1082

Општина Богданци на својата веб страна ги објави улиците кои планира да ги реконструира со средствата што се одобрени за ова општина од заемот што државата го доби од Светска Банка преку проектот за поврзување на локални патишта. Станува збор за вкупно седум улици од кои шест во првата и една во втората фаза.

Општина Богданци со одлука на Владата на почетокот на ова година и се алоцирани околу 595 илјади евра. Со овие пари општината во првата фаза планира  реконструкција на улиците  „ Мирче Џочков “ во должина од 160 метри,  „ Браќа Миладинови “ во должина од 250, „ Мирка Гинова “ во должина од 130, „ Кочо Рацин “ во должина од 260, метри како и реконструкција на улиците „ Ѓуров Дол “ во должина од 270 и „10 Октомври“ во должина од 164,63 метри.  Во втората пак фаза се планира санација на локалната улица „ Крушевска “ во должина од 1.318,53 метри.

Општина Богданци ги повикува сите заинтересирани своите коментари и забелешки може да ги достават усно, телефонски или на веб страната

Инаку и останатите општини од Југоистокот добија средства за подобрување на патната мрежа од заемот на Светска Банка.  Која општина колку доби приближно средства може да видете на овој ЛИНК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.