Беласица дојде до победа, славеше против Академија Пандев на СРЦ ,,Пандев” во Струмица ( видео од головите)

284

Беласица кончено дојде до првата првенствена победа и тоа против градскиот ривал Академија Пандев. Во рамките на 11 тото првенствено коло, во првото градско дерби од ова сезона, струмичките сино бели ги шокираа пандевци во нивниот дом кој за првпат беше ,,сефтосан” со официјален првенствен меч. Избраниците на Шефки Арифовски славеа со 2:1 во меч во кој пандевци имаа доминација на теренот но трите бода ги однесе Беласица по двете катастрофални грешки на голманот Алчевски.

Резултатот го откри Ѓорги Стоилов во 11 тата минута од пенал. Радески беше фаулиран во казнетиот простор на Беласица со што судијата Мантев покажа на белата точка а пандевци дојдоа до водство од 1:0. Во финишот од првото полувреме по изведениот петти корнер Алчевски ја испушти топката а во петерецот а најдобро се снајде Митевски кој донесе израмнување. Со 1:1 заврши првото полувреме од првото годинашно соочување на двата струмички провлигаши

Во вторите 45 минути повторно Академија Пандев го диктираше темпото на теренот а Беласица ја чекаше својата шанса. 67 минута нова кардинална грешка на Алчевски наспроти упорноста на Сулев од кого топката заврши во мрежата на Академијата за водство од 2:1. Пандевци се обидоа да дојдат до израмнување но Беласица многу паметно одигра до крајот на мечот иако имаа и полушанси да зголемат предноста а пандевци ќе жалат за испуштената шанса со победа да го сефтосат својот стадион.

Со ова прва првенствена победа синобелите тимот на Беласица имаат вкупно 5 бода два помалку од Академија Пандев но и двата тима се на последните две позиции од прволигашката табела

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.