Ауди со мигранти удрило во полициско товарно возило на влезот во Радовиш – двајца починати десетина повредени

1828

Двајца мигранти од Сирија починаа а други десетина се тешко повредени откако синоќа патничко возило  „ауди Q7“ со скопски регистарски ознаки во кое биле мигрантите удриле во возило сопственост на полицијата, соопшти МВР. Во сообраќајката  повреден е и еден полицаец а повредените синоќа биле префрлени во штипксата болница

,,На 16.08.2020 во 22.30 часот било пријавено дека на магистралниот пат Струмица – Штип, кај клучка Радовиш, патничко возило „ауди Q7“, со скопски регистарски ознаки, управувано од непознато лице, во кое се превезувале 12 мигранти од Сирија, удрило во запрено товарно возило, сопственост на МВР. На местото на незгодата починал еден од мигрантите, а еден им подлегнал на повредите во Медицинскиот центар Штип. Останатите лица се здобиле со тешки телесни повреди, додека еден полициски службеник се здобил со телесни повреди, констатирани во Медицинскиот центар Штип. Извршен бил увид на местото на незгодата од Јавен обвинител и увидна екипа од СВР Струмица. Во периодот од 22.40 до 23.40 часот сообраќајот на наведениот патен правец бил во прекин, а потоа е пренасочен по спореден пат,,

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.