Ангов со повик до дојранчани онлајн да ги кажат потребите за идната година и заеднички да го креираат Буџетот

1043

Под мотото ,,Мислењето на граѓаните е најважно’’, првиот човек на општина Дојран Анго Ангов, на својата ФБ страна објави оналјан документ во кој жителите на ова општина ќе може да го пополнат и си ги кажат потребите и што се недостасува во општината за да се планираат во програмите од Буџетот за следната година. Станува збор за можност, дојранчани да го кажат своето мислење и на тој начин да учествуваат во креирањето на Буџетот за 2021 година

Во документот, секој жител на ова општина може да се изјасни за проблем или идеја за која општината треба да даде акцент идната година, да конкретизира што недостасува во Стар или Нов Дојран но и во населените места Фурка, Николиќ, Ѓопчели, Црничани. Дојранчани може да се изјаснат односно да дадат и оценка за работата на gрадоначалникот, администрацијата, за транспарентноста на општината, за брзината и квалитетот на комуналните услуги, јавното осветлување….

Како што инфомираа од општината, оналјн документот е да се даде можност и на граѓаните сами да го креираат Буџетот, со оглед дека ова година заради пандемијата со коронавирусот ќе ги нема редовните јавни средби по месните и урбани заедници за да се слушне гласот на жителите…

Дојранчани доколку сакаат да учествуваат во креирањето на Буџетот за идната година може своите потреби, забелешки сугестии и идеји да ги дадат на овој ЛИНК 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.