Амбасадорката на САД Агелер го вкуси и пофали ајварот приготвен на домашен начин на Ајваријадата во Босилово (фото)

1208

Амбасадорката на САД во земјава Анџела Агелер денеска во Радово при посетата на Едукативниот центар за деца од предшколска возраст, вкуси ајвар приготвен на традиционален начин од домакинките кои учествуваа во неделната Ајваријада во Босилово. Таа не го криеше задоволството од вкусот при што се заинтересира која е тајната на овој специјалитет бидејки разликата е очигледна од онаа што го купува.

На заминување амбасадорката од градоначалникот на Босилово Ристо Манчев доби и тегла ајвар токму од манифестацијата Ајваријада во Босилово што се одржа во неделата а ја посетија голем број граѓани.

Инаку на Ајваријадата во Босилово беа испечени околу 600 килограми црвени пиперки и модри патлиџани при што беа наполенти околу 250 тегли ајвар кои дел беа понудени за дегустација а дел донирани во Општината за промоција на овој македонски традиционален рецепт.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.