Александар Стојанов следната сезона нема да ја предводи струмичка Беласица

219

Александар Стојанов нема да ја предводи струмичка Беласица следната сезона. Тој на својот ФБ профил објави дека се разделува со клубот со кој успеа да стаса до втората позиција во Втората лига Исток но не успеа во баражот со Скопје да обезбеди Прва лига.  Под негова палка Беласица последната сезона забележа осумнаесет победи, пет реми исходи и само четири порази. Беласица беше и најефиаксна во второлигашкото натпреварување но во бараж мечот не успеа да обезбеди елитен статус во годината во која одбележува 100 години

„Чест и задоволство беше да се биде дел и да се води Беласица оваа сезона, во година кога клубот прави јубилеј од 100 години, во година која почнавме да градиме сосема нова екипа од претежно млади играчи кои само што започнуваат во сениорски фудбал, во година која и според игрите сето тоа беше препознаено и бевме наградени после долго време да Беласица има тројца репрезентативци. Во година каде имавме и тажни моменти, но се издигнавме брзо, во година каде стигнавме до самиот крај и бевме само на чекор до најпосакуваното, но во спортот некогаш фали и малку повеќе среќа, а на крајот таа не заобиколи малку повеќе и не успеавме. Но, и покрај се треба да бидеме сите горди, затоа што успеавме да направиме една фамилија која дишеше како едно, едни момци кој го оставаа срцето на терен, едни борци на кој Беласица оваа сезона им беше се. Ми беше чест што бев нивен предводник оваа сезона и што чекоревме цврсто заедно во сите битки се до самиот крај. Огромна благодарност до сите структури во клубот, целиот стручен штаб, од доктор до економ, најголема благодарност до претседателот за укажаната доверба која ми значеше премногу и секако на најверните навивачи „Ајдуци“ кои оваа сезона не бодреа до последно. Беласица беше и ќе остане дел од мене, секогаш и во секое време, до следно видување“,објави  Александар Стојанов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.