Дечињата од градинката ,,Калинка’’ од Валандово облечени во маски изработени од рециклирачки матријал парадираа по улиците на Валандово и упатија силни пораки за заштита на животната средина, заштита на водите, воздухот односно за заштита на планетата земја. Дефилето на дечињата беше по повод ,, Денот на планетата земја’’ со цел да ја подигнат свеста меѓу граѓаните за поголема грижа во заедницата во која што живееме. Како што не информираше директорката Марија Занова, во дефилето учествувале околу 60 тина деца од предучилишна возраст на возраст од 4 до 6 години.
,, Не само во Валандово, дефиле со еко маски имаше и во Јосифово, Пирава и Удово каде како градинка имаме клонови. Заедно со родителите изработивме маски кои се од рециклирачки матријал на кои беа испишани еко пораки. Целта ни беше да алармираме, дека треба да се грижиме за планетата земја но и да ги научиме децата на здрави животни навики. Се надеваме дека успеавме барем за момент да го свртиме вниманието за планетата земја,, ни изјави директорката на детската градинка ,,Калиника’’ од Валандово Марија Занова која упати и благодарност до родителите на децата кои се вклучија во акцијата за организација на дефилето.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
