Струмичани повеќе од еден месец бесплатно ќе се возат со новите електрични автобуси. Периодот ќе започне од 11 септември со што и официјално ќе стартува Јавниот градски превоз во Струмица . Вака најави директорот на Струмица транспрот Драги Поп Стојанов на денешната инфо средба во Аутомакедонија во Скопје каде градоначалникот ги доби клучевите на првите автобуси.
,, Сите 10 автобуси се пристигнати како што е договорено. На 11 септември ќе имаме официјално ставање во функција и од овој датум ќе има тест возење од еден месец бесплатен можеби и повеќе за да се отстранат сите недоследности, што е нормално при отпочнување со секоја работа,, кажа Поп Стојанов
Директорот на ЈСП „Струмица-Транспорт“ Драги Поп Стојанов рече дека електричната енергија за полнење на автобусите ќе се произведува од фотоволтаична централа која ќе биде поставена на покривот на претпријатието.
Градоначалникот Костадинов пак кажа дека Струмица испишува историја бидејки за првпат се воведува јавен градски превоз со кој ќе бидат опфатени и населените места.
,,Испишуваме историја во Струмица, бидејќи досега немаме автобуски превоз. Струмица е загадена, па се одлучивме да воведеме електрифициран јавен превоз. со тоа стануваме прв град во регионот со електричен превоз – рече на настанот градоначалникот Костадин Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
