Со аплауз и песна вработените од музичкото училиште „Боро Џони“ од Струмица го испратија кон вечниот дом својот колега Џоко Ѓоргиев кој загина во страотниот пожарво Кочани како тапанар на бендот ДНК. Во присуство на членовите на неговото потесно семејство, колеги музичари и голем број граѓани се одржа комеморативна седница на која зборуваше Клара Патарова. Таа подвлче дека Џоко како и секогаш така и сега успеал на едно место да собере голем број луѓе, бидејки беше златно дете кој со своето чукање во тапаните ги освојуваше срцата.
,, Надвор од ова просторија има уште стотици, илјадници луѓе со истото чусвтво, дека загубиле дел од себе, некој свој оти кој тебе не те сакаше златно дете. Како и досега ти умееш да ги сплотиш луѓето и токму со твојата се присутна енергија што ја ширеше, сега црпиме сила да го прифатиме она што не може да се промени“ кажа директорката на музичкото училиште Клара Патарова
Колегите од музичкото училиште во чест на Џоче како што го викаа, ја отпеа песната ,, За сваку добра реч – хвала“ од Владимир Руждјак на македонски јазик, бидејки Ѓоргиев за врме на работата постојано ширел позитивна енергија со своето темперамент и чукање небаре да е пред тапаните.
,, Не пречекуваше тропајки и со нога и со раце, ту на коленото ту на масата. Ритамот на песните излегуваа од тебе во секој миг и кога зборуваше и кога јадеше и кога ги извршуваше работните задачи.Ти заслужуваш за тебе да сме силни и да го чуваме твојот спомен со гласно говорење, но и да го продолжиме твојот пат низ славење на музиката и афирмација на тапанот, она што беше ти “ , кажа Патарова
25 годишниот Џоко Ѓоргиев кој настрада во големиот пожар во Кочани беше вработен во музичкото во Струмица. Важеше за дете кое ја сакаше сцената и тапаните и немаше музички настан или манифестација во Струмица без негов музички преформанс како што беше и за време на коцнертот под маски за време на карневалот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
