Од синоќа Струмица пулсира под маски. Клучот од градот од градоначалникот Петар Јанков беше предаден кај карневалистите кои ќе ,,владеат“ во наредната недела.
,,Деновиве не очекува интересна програма организирана од Карневалскиот одбор и поддржана од Општината. Се надевам дека ова карневалско издание ќе биде едно од најуспешните и им посакувам добра забава и пријатна атмосфера на сите учесници во ова наше струмичко карневалско чудо, рече градоначалникот Петар Јанков.
Претседателката на Организацискиот одбор на Струмичкиот карневал, Танкица Стојанова вети дека во претстојните денови ќе бидат „мирни“ и дека ќе има ред во Струмица и сите ќе бидат насмеани, весели и разиграни.
„ Вечерва ќе ветиме една работа-во таа една недела ќе има само позитивна енергија, многу насмевки, многу среќа, многу дружба, музика и да бидеме највесели, рече Стојанова.
Веднаш потоа во Градската уметничка галерија беше отворена изложба на карневалски маски на Цветко Багашовски, кој годинава одбележува 35 години учество на Карневалот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
