Во конкуренција на десетина градови, Гевгелија доби зелено светло од Министерството за култура и го доби статусот ,,Град на културата за 2025“. Како што кажа министерот за култура и туризам Зоран Љутков, во Гевгелија годинава ќе бидат одржани вкупно 142 културни настани од сите области а министерството ќе партиципира со три милиони денари во нивната реализацијата.
,, Вкупно 142 културни настани ќе се реализираат во Гевгелија ова година. Освен тековните годишни, ќе има и нови дополнителни настани. Гевгелија со својата локација привлекува голем број туристи а сега со овој статус ќе бидат понудени нови можности и дополнителни содржини за престој во Гевгелија“, кажа министерот Љутков кој подвлече дека со ова манифестација сака да ги охрабри младите локални уметници и автори.
Општина Гевгелија за оваа манифестација ќе обезбеди вкупно 16 милиони денари. Како што кажа градоначалникот Андон Сарамандов манифестацијата и сите културни настани ќе биде основа за нови гости, посетители кои ќе го потикнат локалниот економски развој.
,, Гевгелија одсекогаш беше синоним за култура, идеи и уметност. И наша обврска е со овој статус да ја прошириме културната сцена, да создадеме нови можности за уметниците и културните работници за да градот го направиме атрактивен“, кажа Сарамандов
Според планот годинава во Гевгелија се планирани изложби, промоции на книги, тетарски престави, поетски читања, презентација на културното и археолошко наследство, музички концерти но и традиционални и модерни танци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
