68 основци и средношколци добија стипендии од Општина Струмица и Фондацијата „Заев-едно општество за сите“

760

68 ученици од струмичките основни и средни училишта ги добија стипендиите од Општина Струмица и Фондацијата „Заев-едно општество за сите“. Стипендиите се во износ од 2500 денари за средношколците и 2000 денари за основците кои ќе ги добиваат 9 месеци од оваа учебна година.

Општината додели 45 стипендии. Струмичкиот градоначалник истакна дека Општината втора година по ред доделува стипендии преку Јавен повик.

,, Овие стипендии се валоризација на нивните успеси и нивниот труд, за освените признанијата дома и во странство со што ја прават Струмица горда. Ние треба да направиме се што е во наша моќ да ги мотивираме овие ученици да продолжат по патот за да станат успешни луѓе и ја преставуваат општината“ рече градоначалникот Костадин Костадинов

Стипенди доделија и од Фондацијата „Заев-едно општество за сите“. Тие доделија 23 стипендии од кои 10 за средношколци. Во името на Фондацијата се обрати Ева Заева која на младите талентирани ученици им посака успех

,, Иднината на нашето општество, нашата заедница но и на секој поединец се заснова на стремежот кон создавање на нови знаења и искуства во текот на образованието, но и потоа. Оние кои ги следат активностите на нашата Фондација знаат дека голем број од досегашните активности беа токму насочени кон учениците и младите луѓе,, рече Заева

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.