Загрижувачка е состојбата со нивото на Дојранското езеро кое со метри е повлечено од плажите. Тоа е метар под дозволените граници, вели првиот човек на општина Дојран Анго Ангов . Тој побара државата веднаш да интервенира и да ги вклучи функционалните пумпи од системот Ѓавато за не се случи нова еколошка катастрофа бидејки постои опасност од нарушување на биодиверзитетот во езерото
,,Мора итно да се обезбедат пари за реконструкција на системот и негово ставање во употреба. Веќе 20 години откако е ставен во функција воопшто не е саниран. Ние како општина немаме ингеренции врз него. Одговорно е Министерството за животна средина и Владата. Тие треба да одговорат зошто не работи Ѓавато и зошто не се обезбедени потребните средства. Иако лани на Влада помина информацијата за да Министерството за животна средина обезбеди пари за санација на системот и го пушти во употреба, ниту во првичниот ниту во ребалансот на буџетот не се обезбедија средства за Ѓавато. Милион евра за едно министерство или држава не се многу за спас на еден турситички бисер“, вели градоначалникот на Дојран Анго Ангов
Денеска низ отворениот канал за полнење на Дојранското езеро повторно почна да тече вода. Биле вклучени три пумпи соопштија вработени од системот кои од завчера ги санираат дефектите по целиот цевковод откако ги пуштија и водата стаса до Црничани.
Од министерството за животна средина кое е одговорно за Ѓавато соопштија дека се изработува проект за целосна рехабилитација на системот кој понатаму ќе биде предаден на АД Водостопанство. Инаку од овој систем освен Дојранското езеро вода добива и акумулацијата Паљурци кај Богданци при намален водостој но и голем број на физички и правни лица кои имаат обработливи површини вдолж цевководот од 22 километри.
Системот беше стопиран за време на енергетската криза кога за работата на пумпите почнаа да стасуваат сметки за електирчна енергија и до 300 илјади евра за месец. Лани министерот за животна средина изет Миџити стави во употреба три пумпи со капацитет од 200 литри и најави целосна рехабилитација на сисистемот од кој вода ќе има и за езерото и за земјдоелците.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
