Жена на возраст од 44 години од населеното место Градашорци општина Василево е почина од компликации предизвикани од вирусот ковид-19, соопшти министерството за здравство. Таа е една од тројцата почината во последната ковид статистика на здравствените власти на земјава. Жената минатата недела била префрлена на скопските клиники заради влошената здравствена состојба. Ова е четврти смртен случај од коронавирус што се води под Центарот за јавно здравје Струмица за овој регион.
Инаку од почетокот на пандемијата во Струмица од ковид-19 досега се заболени 83 лица а 30 во моментов се активни. Дел од активните со потешка клиничка слика се сместени на Инфективното одделение во Струмичката болница но има и на скопските клиники информираа од Центарот за јавно здравје од каде апелираат на почитување на мерките за заштита од коронавирусот.
Во последните 24 часа нема нов ковид дијагностициран во Струмица но има по еден нов случај во Радовиш, Валандово и три нови позитивни во Гевгелија.
Институтот за јавно здравје регистрира 54 оздравен пациент. Вкупната бројка на ковид дијагностицирани во нашата земја од почетокот на епидемијата изнесува 15293, бројката на оздравени пациенти е 12754, на починати е 634, а во моментов бројот на активни случаи во земјата изнесува 1905.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
