4 нови позитивни лица на коровавирус во Струмица каде денеска се направени дури 19 ковид тестирања

809

Од направени 1542 тестови регистрирани се 142 нови случаи на ковид-19 во земјава  во последните 24 часа а пет лица починаа,, соопшти Министерството за здравство. Починатите се од Гостивар, Прилеп, Охрид, Македонски брод и Штип

Од новите случаи, најмногу регистрирани има во Скопје, 37, па следат: Куманово-18, Дебар-1, Штип-3, Прилеп-8, Тетово-13, Струга-3, Битола-4, Гостивар-9, Струмица-4, Крива Паланка-8, Радовиш-1, Крушево-1, Кочани-5, Пробиштип-3, Македонски Брод-2, Пехчево-4, Берово-2, Валандово-1, Виница-3, Делчево-7, Кратово-1, Кичево-2 и Ресен-2.

Според информациите од Центарот за јавно здравје од Струмица, новите 4 случаи се тројца од Струмица и еден од Попчево. Од таму информираат дека денеска на пунктот во Струмица се направени дури 19 тестови за ковид-19 што е за првпат толку голема бројка од почетокот на пандемијата. Сите тие имале симптоми и преку матичен се упатени на тестирања во струмичкиот Центар за да се утврди дали се позитивни. Резултатите ќе се знаат во текот на утрешниот ден.

Институтот за јавно здравје регистрира 98 оздравени пациенти. Од Југоистокот оздравени има од Гевгелија-1 и Струмица-1

Вкупно ковид дијагностицирани во нашата земја од почетокот на епидемијата има 15.555, оздравеа 12.994, а активни случаи има 1.919. Во Југоистокот сликата изгледа вака:

• Гевгелија 80, активни 46 (8 лица од ПЕ Гевгелија се жители на Дојран, 11 на Богданци и 12 се странски државјани)

• Струмица 90, активни 34

• Радовиш 50, активни 9

• Валандово 12, активни 4

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.