Вкупно 32 земјоделци од општините од Југоистокот ќе добијат нови трактори, откако АФПЗРР деновиве најави дека преку Програмата за рурален развој, 540 апликанти од целата држава ги исполниле условите за добивање поддршка за набавка на трактори. тие деновиве ги доделија првите договори во Штип додека останатите договорите фамерите ќе ги добијат на домашна адреса заради пандемијата со ковид-19
„Вкупната финансиска поддршка за сите 540 апликации изнесува 206.000.000 денари. Најголем дел од апликантите побараа набвка на трактори од марката Тафе, Солис, Махиндра. Заради заштита и намалување на ширењето на „Ковид 19“, сите кои имаат аплицирано за оваа мерка и ги исполнуваат условите а денеска не се овде договорите заедно со упатство ќе ги добијат на домашна адреса. Откако ќе ги заверат и потпишат 2 примерока од договорите ќе треба да вратат во Агенцијата и може да почнат со набавка на тракторот кој им е одобрен со договорот,, кажа директорот на АФПЗРР Николче Бабовски.
Како што не информираа од АФПЗРР во Југоистокот договори за поддршка за набавка на нов трактор ќе добијат 32 земјоделци. Најмногу во Струмица и Валандово каде одобрени се средства за по 7 земјоделци, во Василево на 5, во Радовиш на 4, Босилово 3, Гевгелија 2. Во општините Конче, Ново Село, Богданци и Дојран договор за поддршка за набавка на нов трактор ќе добијат по еден земјоделец
Поддршката ќе изнесува од 50 до 70 одсто од вредноста на новиот трактор за кој секој земјоделец аплицирал на распишаниот јавен повик на АФПЗРР изминатиот период.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
