30 дена притвор за жител од Добрејци струмичко, кај него биле пронајдени кокаин, марихуана, оружје

305

Струмичката полиција до Основното јавно обвинителство Струмица, поднесе кривична пријава против  Р.В. (60) од село Добрејци, струмичко, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурсори“ по чл. 215 од Кривичниот законик.

Имено вчера (08.07.2021) околу 08.00 часот на паркинг во Струмица  кај Р.В. во патничко возило „фиат пунто“, со струмички регистерски ознаки, при извршен преглед во пластична кутија пронајдени се 17 пакувања со кокаин, како и поголем износ на парични средства. Истиот ден, по добиена наредба на Судија на претходна постапка при Основен суд во Струмица, полициски службеници од СВР Струмица извршија претрес во неговиот дом во с.Добрејци, при што се пронајдени 12 стебла cannabis sativa, околу 4 кг марихуана и шишиња со течна материја, пиштол „застава М88“, рамка со 6 куршуми калибар 9мм.

Р.В. е лишен од слобода и изведен пред судија на претходна постапка од Основен суд Струмица, кој му определил мерка притвор во траење од 30 дена.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.