24 правни лица во Струмица ќе добијат забрана за користење на јавна површина и најверојатно ќе мора да ја ослободат истата од евентуални платформи или објекти на свој трошок. Станува збор за угостители и дуќани кои користат јавен простор а кои не постапиле според законските одредби кои се на сила изречени од страна на инспекциските органи на општина Струмица откако градоначалникот на Струмица на 21 март донесе наредба за вонредни надзори.
,, За 24 правни лица за кои е констатирана неправилност и во законските определени рокови не постапиле на ден 17.04.2025 година доставивме списи до до секторот за урбанизам при општина Струмица со насоки за постапување . Субјектите кои не постапиле согласно констатираните забелешки на инспекторите го губат правото да добиваат одобрение за користење јавна површина“, стои во објавата на градоначалникот Костадин Костадинов
Инспекциските служби на Струмица за новонастаната ситуација на терен треба да го известат Државниот пазарен инспекторат и тој да постапи согласно своите надлежности.
Изминатиот период струмичани беа се погласни за начинот на користење на јавниот простор, тврдејки енормно се узурпира и од општината бараа решенија за да се ослободат. ( M.K.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
