И по седум години од изградбата на социјалната зграда во Струмица на улицата „Ѓорги Василев“ сите станови сеуште не се доделени. Од информациите познати на јавноста, зградата со 41 стан беше изградена во 2018 тата. Во јануари 2019 тата тогашниот министер за транспрот и врски Горан Сугарески најави распределба на сите 37 станови откако четири стана беа доделени на лица со посебни потреби згрижени во Заводот за заштита и рехабилитација Бања Банско а беа опфатени со процесот на деинституционализација.
По неколку одлагања 11 станови беа доделени во феврури 2022 откако на првиот повик толку домакинства ги исполниле условите од првичната прелиминарна листа од 23 домакинства, кои се радуваа во Домот на АРМ во 2021 година.
Со оглед дека има слободни, Министерството за транспорт на почетокот на овој месец објави нов ОГЛАС за распределба на социјални станови од зградата на улицата Ѓорги Василев бр 44 во Струмица. Огласот е објавен на 3 ти март и трае до 2 април. Право да аплицираат имаат лица од шест категории и тоа:
- Деца без родители или родителска грижа – лица над 18 години кои до својата осумнаесетта година биле згрижени во институции и други облици за згрижување за деца без родители.
- Корисници на правото на гарантирана минимална помош.
- Лица погодени од елементарни-природни непогоди без разлика на правниот статус на нивните постојни (примарни) живеалишта.
- Лица со попреченост и семејства со лица со попреченост.
- Лица припадници на Ромската заедница социјално загрозени согласно Стратегијата за Ромите на Република Северна Македонија.
- Самохрани родители со малолетни деца.
На следниов ЛИНК може да се видат кои се документи се потребни за аплицирање на огласот за добивање социијален стан, но и кај кого може да се обратат за информации заинтересираните кандидати кои имаат намера да аплицираат.
Становите се со површина од 43 и 44 метри квадратни кои се наоѓаат на втори, трети, четврти и петти кат. Сите станови имаат балкон од 3 квадратни метри но и подрум од 5 до 8 квадрати. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
