21 декември е крајниот рок за приговор ако Ве нема во базата на податоци за добивање 6 000 денари за купувам домашно

808

Утре истекува рокот за поднесување приговори доколку граѓаните ги нема во базата на ,,купувам домашно’’ а сметаат дека ги исполнуваат условите за добивање финансиска поддршка од 6 000 денари. На веб страницата kupuvamdomasno.gov.mk со впишување на единствениот матичен број може секој граѓанин да провери дали го следува помош, доколку го нема, постои опција на страницата за поднесување приговор. Рокот за приговори истекува во понеделник на 21.12.2020 година.

Инаку финансиска поддршка од 6.000 денари може да добијат граѓаните со низок доход, пензионери кои имаат до 15.000 пензија, корисници на право на социјална сигурност на стари лица, млади лица од 16 до 29 години, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници. За мерката државата ќе потроши 27 милиони евра.

Парите ќе можат да се трошат и по 25 декември.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.