208 струмичани поднеле барања за субвенции за велосипед, утре ќе се знае дали се искористени планираните 800 000 денари

834

Вкупно 208 струмичани поднеле апликации за субвенција за нов велоиспед, објави градоначалникот на општина Струмица Коста Јаневски на својот ФБ профил, откако општината вчера го распиша јавниот повик за доделувања до 4 илјади денари за купен велиспед а за што од општинскиот буџет се обезбедени 800 илјади денари.

,,Комисијата формирана специјално за оваа намена, утре ќе ги разгледа пристигнатите апликации, по што јавноста ќе биде информирана за искористеноста на средствата од планираниот буџет во висина од 800 илјади денари’’ стои во објавата на ФБ на градоначалникот Коста Јаневски

Јавниот повик беше прв дојден прв услужен и сите оние струмичани кои аплицирале вчера и денеска, доколку ги исполниле условите може да се надеваат на рефундирање на средства до 50 одсто од вредноста на новиот велосипед но не повеќе од 4 илјади денари. Уште вчера имаше навалица за купување на нови велосипеди во Струмица за кои може да очекуваат субвенции.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.