Во Југоистокот има околу 20 тврдини кои на стручната јавност им се познати. Дел истражени дел не. Но сите кријат виситини за постоење живот на овие простори во средниот век. Вака објаснува Душко Цветанов кој во градскат агалерија ја промовираше монографијата ,,Средновековни тврдини во Југоисточниот регион во Македонија“ проследена со изложба од банери на кои со фотографии и текст се илустрирани дел од утврдувањата во регионот.
,, Во нашиот регион се истражени Цареви Кули, мали истражувања има и кај Термица, наши колеги го истражуваа локалитетот Пирго кај Мокриево, но најголемиот дел сеуште не се истражени како и во цела држава. Во монографијата поместени се и други локалитети кои сметаме дека биле утврдувања низ времето. Моја цел и порака е дека мора да се грижиме за нашето богатство од средниот век и дека мора да ги истражиме, да ги заштитиме и презентираме на јавноста“ кажа Цветанов.
Монографијата е докторска дисертација на Душко Цветанов во која се поместени и помали утврдувања и во Радовиш, Конче, Валандово, Дојран, Гевгелија со средновеквните населби и патните повразува. Истата се работела речиси десетина години во кој се поместени теренски и кабинетски истражувања.
Промотор на ова значајно научно издание беше проф. д-р Виктор Лилчиќ Адамс, кој пред присутните зборуваше за вредноста на истражувањата на д-р Цветанов и нивниот придонес во согледувањето на богатото средновековно наследство во југоисточниот дел на Македонија. Свое обраќање имаше и директорот на НУ Завод за заштита на спомениците на култура и Музеј – Струмица, Бранко Ѓоргиев, како и Ване П.Секулов археолог-советник. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
