Во изминативе 24 часа се регистрирани нови 20 случаи со КОВИД-19, соопшти Министерството за здравство од каде информираат дека се направени 275 тестирање. По градови новозаболените се од Скопје 12, 3 од Прилеп, 2 од Тетово и по еден случај има во Куманово, Битола и Гостивар.
Од почетокот на епидемијата досега во земјава се регистрирани 1.642 лица позитивни на коронавирус, од кои оздравени 1.136, починати 91, а во моментов активни 415. Денеска Институтот за јавно здравје регистрира 24 оздравени пациенти и тоа Скопје 11, Куманово 10, Велес 2 и Тетово 1.
„Во изминатото деноноќие на Клиниката за инфективни болести и фебрилни состојби примени се 3 пациенти, а вкупно хоспитализирани 42. На кислородна поддршка се 20, а на механичка вентилација 3 пациенти. Во ГОБ „8 септември“ примени се 2 нови пациенти, а вкупно хоспитализирани 16. На респираторна машина се 4 пациенти. Во болницата во Битола нема хоспитализирани позитивни или сомнителни на КОВИД-19, а на домашно лекување се следат 3 пациенти. Во болницата во Штип се хоспитализирани вкупно 6, а уште 1 пациент се следи на домашно лекување. На ифективните одделенија во Прилеп, Велес, Куманово и Охрид сe хоспитализирани 54 пациенти, позитивни и сомнителни на КОВИД-19“, се вели во соопштението на Министерството за здравство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
