Младата Ангела Влинтовска од Скопје студентка на музичката академија која ја отпее песната ,,Темјана“ песна на Огнен Неделковски, Ванчо Димитров и Љупчо Соколовски ја понесе првата награда или е победник на 37. издание на фолк фест „Валандово“ . Таа ја понесе и наградата за најдобар дебитант бидејки за првпат настапува на овој реномиран фестивал.
Втората награда на Фолк фест Валандово ја однесе песната „Љубовта е оган“ на дуетот Софија Пуровска и Никола Зацески, додека третото место го освои песната „Го чекам аберот“, а ја отпеа Габриела Новевска.
Наградата за најдобар текст му припадна на Ѓорги Барбаровски за песната „Љубовта е оган“, за второнаградениот дует Софија Пуровска и Никола Зацески. Наградата за најдобар аранжман замина во рацете на Дарко Илиевски за песната „Спомени“, која ја испеја Сашо Башески. Награда за најдобра интерперетација доби третонаградената Габриела Новевска за песната „Го чекам аберот“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
