Околу 150 лица доставиле пријави за купување парцели за изградба на викенд куќи, што општина Дојран ги понуди на продажба во населбите Калдрма и Карач. Како што информираат од општината заклучно со вчера до нив пријава за учество во јавното наддавање и банкарска гаранција, доставиле околу 150 лица а предмет на отуѓување се 13 парцели кај населбата Калдрма и една во Карач. Не можеа да конкретизираат за кои парцели има најголем интерес или пак поединечно за една парцела по колку кандидати има. Како што веќе објавивме на на парцелите може да се подигне градба само на 20 % од површината.
Јавното наддавање ќе се оддржи електронски на интеренет страницата www.gradezno-zemjiste.mk утре 26.11.2020 со почеток од 8,30 минути и за секоја парацела е планирано да има по околу 15 минути, каде кандидатите ќе имаат можност да наддаваат во цената по метар квадратен а почетната изнесува 61 денар. Инаку парцелите се со површина од над 500 метри квадратни
Пријавите за учество на електронското јавно наддавање за дел од градежните парцели со намена – Комерцијални објекти (трговија, угостителство, услужни дејности) но и за лесна и незагадувачка индустрија,сервиси и стоваришта, потоа за градежните парцели со намена – A4 Времено сместување и за Б1 Мали комерцијални и деловни намени наведена можат да се достават до 07.12.2020 година а јавното наддавање е закажано на 9.12.2020
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
