Министерството за транспорт ја објави листата на правни лица на кои ќе им биде одземена лиценцата во делот на градежното работење и урбанистичко планирање. Станува збор за вкупно 479 фирми од земјава кои престанале да ги исполнуваат законските услови врз основа на кои им се издадени. Одземени се лиценци А и Б за изведувач на градби од прва и втора категорија, за проектирање на градби од прва и втора категорија, за надзор на изградбата на градби од прва и втора категорија, лиценци за изработка урбанистички планови, за ревизија на проектни документации.
Министерството за транспорт извршило контрола на 3 100 лиценци во земјава.
Што се однесува до фирмите од Југоистокот за кој регион информира нашиот портал Дрнка МК, лиценците ќе им бидат одземени на 15 фирми од кои најмногу се од Струмица дури 7. Од ова општина една фирма ќе остане без лиценца за изработка на урбанистички планови, три фирми ќе ја изгубат лиценцата за изведување градби од втора категорија, две за проектирање на градби од втора категорија и една фирма ќе ја изгуби лиценцата за надзор на изградба на градби од втора категорија
Во општина Гевгелија 4 фирми ќе ја изгубат лиценцата од кои една фирма лиценцата за изведување на градби од прва категорија а три фирми лиценцата за изведување градби од втора категорија.
Во останатите општина во Радовиш 2 фирми ќе изгубат лиценци за градежно работење како и по една фирма од Валандово и Дојран кои имаа лиценци и за изведба и за проектирање на градби од втора категорија.
Листата на правни лица на кои ќе им биде одземена лиценцата за градежно работење и урганистичко планирање може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
