Вкупно 12 ловџиски пушки беа доделени на ловечката вечер што ја организираше ЛД „Фазан“ од Василево кои традиционално ја реализираат на 8 март – Денот на жената. По тој повод сите припаднички на понежниот дел добија ружи а неколку гостинки добија и награди кои беа храбри да проговорат за своите партнери – колку „добри ловџии“ биле. Честитки за празникот стасаа и од првиот човек на ЛД „Фазан“ Томе Шонтевски а забавата ја отвори градоначалникот на Василево Славе Андонов кој на жените им го честиташе празникот а на ловџии поддршка во унапредувањето на ловот.
Околу 650 гости присуствува на забавата која благодарение на ,,Стакато бенд“ кулминираше по доделувањето на пушките кои беа императив за сите присутни посебно ловџиите. Најрадосни и најсреќни беа ловџиите од Висока Маала каде се паднаа дури три пушки. Признаа дека со години доаѓале и чекале а годинава среќата им се насмевнала. Од лотаријата ловџиски пушки добија и гости од Радовишко Али Коч и Коџалија, Скопско, Валандовско како и од струмичкиот регион. Пушка доби и девојка која пред присутните му ја подари на своето момче кое е страсен вљубеник во ловот.
,, Како ново раководство ќе работиме да го популаризирамо ловството кај помладите и да го унапредиме условите на нашите концесии но и да бидеме друштво кое ќе биде меѓу најдобрите во земајва“ кусо кажа првиот човек на Фазан Томе Шонтевски
Откако беа доделени пушките, на сцена стапија членовите на Стакато Бенд кои направија одлична забава а на сите ловџии со гајда и тапани им посакаа успешен и плодна сезона.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
