Околу 1000 домакинства од општина Босилово ќе добијат посебни канти за селекција на отпад, односно во нив да се депонира пластика. Првиот човек на општината Ристо Манчев објави дека 500 канти веќе се поделени низ селата каде има организирано собрање на отпадот, каде жителите депонираат се што е од пластика.
Кантите за селекција отпад, Општина Босилово ги обезбеди во соработка со Програмата за развој на Обединетите нации (УНДП). До крајот на годината како што објави градоначалникот Манчев на својот ФБ ќе бидат обезбедени дополнителни 600 канти, со што сите села каде се врши организирано собирање на отпад ќе добијат канти за селекција на пластика.
Лани во јуни жителите од Босилово и Радово добија канти за селекција на отпад. Беа набавени околу 700 канти кои доделни на домакинства од овие две населени места.
Од општината информираат дека во тек е ремонт на камионот за собирање отпад, по што се очекува во најскоро време да започне посебно собирање на пластика од домаќинствата. (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
