Поткрепувајќи ја заложбата за унапредување на научното образование, Џонсон Мети Скопје со задоволство објавува грант за својот заеднички проект Science & Me, во партнерство со Македонија2025, невладината организација која го поддржува економскиот и лидерскиот развој во земјата.
Како организација за имплементација, Македонија2025 ќе ја предводи глобалната STEM програма (наука, технологија, инженерство и математика) на Џонсон Мети Скопје, што ќе го подобри пристапот до висококвалитетно образование за младите луѓе во Северна Македонија и ќе се залага за важноста на научните дисциплини за човештвото и животната средина.
Имплементиран на национално ниво, Science & Me има цел да го развие квалитетот на научното образование и да го подобри ангажманот и перформансите на студентите, придонесувајќи за научно образована работна сила и позитивни економски и социјални придобивки за Северна Македонија.
Преку инклузивен процес на селекција и програма за обучување, Science & Me ќе оспособи околу 25 наставници по природни науки од најмногу 15 основни училишта низ Северна Македонија со ресурси, основни вештини и иновативни наставни методологии, за да испорачаат искуства за практично учење, како на пример, проекти, саеми и настани, да ги инспирираат студентите и да го изградат нивниот интерес и амбиција за предметите од STEM.
Во блиска иднина, програмата очекува да достигне околу 1.500 студенти, градејќи ги нивните способности за теми како што се лидерство, раст и конкурентност, партнерство и вмрежување. Покрај тоа, Science & Me ја признава моменталната родова разлика во STEM, со цел да се премости јазот со инспирација на повеќе млади девојки да продолжат со STEM кариери. Проектот има цел да го поттикне научното образование од училница до позитивен катализатор за промени, напредок и зајакнување.
„Во Џонсон Мети сме среќни поради потенцијалот на овој проект и можностите што ќе ги создаде за младите умови да ги истражуваат различните гранки на науката во Северна Македонија. Наша колективна одговорност е да ја негуваме следната генерација научници и иноватори, а соработката со Македонија2025 е значаен чекор во таа насока“, вели Боријан Борозанов од Џонсон Мети, Генерален Директор, Европа.
Венера Крлиу, Член на Одборот на Директори и Претседавач на Комитетот за Образование во Македонија2025 во оваа прилика истакна: “Ова иновативно партнерство и соработка е доказ за непоколебливата посветеност на Македонија2025 и Џонсон Мети за поттикнување и подобрување на образованието, иновациите и одржливиот раст во земјава. Преку проектот „Науката и јас“, нашите организации не само што ќе соработуваат, туку создаваме на синергија на експертиза и ресурси за да ги поттикнеме научниците на утрешницата. Овој проект не само што ја покажува нашата посветеност на образованието, туку и ја потврдува мисијата на Македонија2025 да инспирира, иновира и да влијае на позитивните промени и создавање нова генерација лидери во земјава и светот“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
