Одбојкарите на Џио Струмица забележаа победа од 3:0 во сетови против тимот на Борац од Бања Лука од Босна во рамките на вториот меч од турнирот посветен на Горана Панов – близнако и ќе играат финале со Пирин од Разлог од Бугарија кој беше подобар од Будуќност од Црна Гора
Избраниците на Кире Ричлиев беа доминантни во сите три сета против Борац кој немаше сили да го издржи притисокот на домаќините. Џио првиот сет го доби со 25:22. Губеше во вториот сет кога босанците имаа предност од 6 поени. Но домаќините смогнаа сили и ја анулираа негативата и направија резултатски пресврт за 25:21 за водство од 2:0 . Третиот сет струмичани го добија лесно во кој помогнаа и одбојкарите од вториот состав на Џио кои беа на висина на задачата и го привршија со 25:17
Во првиот меч, Пирин од Разлог Бугарија славеше со 3:1 во сетови против Будуќност со 3:1. Црногорците го добија вториот сет но останатите им припаднаа на бугарите кои според прикажаната игра нема да бидат лесен противник на струмичани во големото финале каде домашните одбојкари се надеваат на поддршка од публиката.
Малото финале и големото финале се закажани утре во спротската сала Парк. За третото место ќе се игра во 17 часот а Џио со Пирин ќе игра во 19 часот и 30 минути во борба за првото место на првиот меѓународен турнир посветен на Горан Панов – близнако.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
