Одбојкарите на Џио Струмица поведоа со 2:0 во финалната серија за освојување на Шампионската титула, откако во Тетово успеа да го скроти тимот на ,,Универзитет во Тетово’’ со 3:2 во сетови. Потребна е уште една победа за да се промовира во Шампион на Македонија за натпреварувачката 2020/2021 сезона и да ја продолжи доминацијата во мак одбојката
Крајно драматичен натпревар во Тетово во кој домашниот состав покажа ,,заби’’ но немаше сила до крај да се спротистави на четата предводена од искусниот стратег Кире Ричлиев . Униерзитет во Тетово поведе со 1:0 откако го доби првиот сет со 25-20. Во вториот доминираа струмичани кои го добија со 25:16. Домакините предводени од искусниот Симовски повторно дојде до водство по добивањето на третиот сет со 25:22 и поведе со 2:1. Четвртиот со многу тензија и два црвени картони за струмичани, Џио го доведе во своја корист со 25:19.
Во петиот одлучувачки сет, Џио повторно покажа борбеност, мудрост и тактика и го доби со 15:12 за конечни 3:2 и оствари огромна предност пред третиот меч кој може да биде последен ако струмиачни го добијат во своја корист. Најефикасен кај струмичани беше Владо Милев со 18 поени
Следниот дуел меѓу двата тима е закажан во вторник во сала Парк од 19 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
