Со одигрување на мечот меѓу Токат Белидије од Турција и Приштина Волеј од Косово, стартуваше Балканскиот клупски куп што се оддржува во спортската сала Парк во Струмица на кој како трет преставник е и актуелниот македонски шампион Џио. Станува збор за турнир во организација на Балканската одбојкарска асоцијација БВА кој треба да го даде патникот во Челенџ купот против унгарскиот вицешампион Казинбарчика
Турскиот состав немаше проблеми со косовскиот шампион. Забележа победа со 3:0 во сетови ( 25:13, 25:15, 25:16) . Токат покажа квалитет со едно скалило повеќе од Приштина кој не успеа во ниту еден момент да внесе неизвесност. Кај турците блескаше засилувањето Чернокозачев кој со својата висина доминираше на теренот.
Првиот меч го следеа и одбојкарите на Џио Струмица. Четврток (3.10) во 18 часот и 30 минути ќе се соочат со одбојкарите од Косово. Стратегот Кире Ричлиев кажа дека не би требало да се потцени Приштина .
,, Мора максимално да влеземе во двата меча. Мислам дека против Приштина сме фаворити но со турскиот состав ќе мора да одиграме максимално. Се покажаа како тим кој успева да ги покрие сите позиции. Имат добри одбојкари кои мора да ги покриеме и неутрализирам. Се надевам дека со поддршка од публиката може да се надеваме на добри резултати,, кажа Ричлив
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
