Актуелниот носител на двојната круна од минатата сезона, ОК Џио Струмица денеска одигра пријателски меч со грчкиот прволигаш Елпис Ампелокипон во Солун, каде забележа победа од 3:1 во сетови. Станува збор за контролка пред стартот на пролетниот дел од првенството каде струмичани со новите засилувања ќе мора да го превземат приматот од скопски Вардар и да ги одбранат титулите од последната сезона. Според информациите одличен натпревар за струмичани кои биле далеку подобри во сите сегменти на одбојкарската игра наспроти домашниот Елпис
Грците го добија само воведниот сет иако можеше да му припадне на струмичкито состав. Во продолжение избраниците на Кире Ричлиев беа посконцентрирани и ги освоија следните три сета за победа (26-24, 25-27, 19-25, 21-25)
Џио Струмица пред да ги продолжи мечевите од пролетниот дел од сезоната, ќе одигра уште еден меѓународен пријателски меч. Во салата Парк мегдан ќе подели со лидерот од албанскиот одбојкарски шампионат тимот на Ерзени од Драч.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
