Владата на првата наредна седница ќе расправа за хидросистемот Ѓавато кој заради високите сметки за електрична енергија не функционира околу 18 месеци. Ова го соопшти министерката за животна средина Каја Шукова која подвлече дека се планира и формирање на ново јавно претпријатие кое ќе стопанисува со хидросистемот, кој освен за дотур на вода во Дојранското езеро ќе се користи и за наводнување на земјоделските површини во општините Дојран и Богданци. За активирање на помпите на „Ѓавато“ притискаа и жителите на Дојран заради опаднатото ниво на Дојранското езеро но и земјоделците од Општина Богданци кои од овој систем ги наводнуваа посевите.
,,Со мали зафати и интервенции на хидросистемот ќе има капацитет од 1000 литри во секунда. Ќе треба негова рехабилитација, ќе треба време да се санира бидејќи во голем дел има проблеми со пумпите, со вентилите но тоа се технички работи. Како што разговаравме со претседателот на Владата прво ќе одиме со рехабилитација, формирање на претпријатието и да се пушти конечно во работа после подолг временски период“, рече министерката за животна средина Каја Шукова која подвлече дека Ѓавато ќе се користи и за дотур на свежа вода во Дојранското езеро но и за потребите на Општина Богданци
Со хидресистемот Ѓавато стопанисуваше директно Министерството за животна средина откако пред 9 години Владата го укина тогашното јавно претпријатие. Помпите на Ѓавато работеа до февруари 2022 но откако почнаа сметките за потрошена електрична енергија ода стасуваат до 330 илјади евра месечно, министерството одлучи да ги исклучи. Овој хидросистем почна да се гради во 2001 откако Дорјанското езеро го снајде еколошка катастрофа. Со изградба на цевковод со бушотини кај Ѓавато во Богданци цели 20 години се испумпуваа дополнителни количини вода за дојранското езеро, при што од системот се полнеше и браната Паљурци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
