20 годишната Тина Русева од Струмица направи вистински спектакл во Германија со својот настап на познатото музичко шоу „The Voice of Germany“. Таа го занеме жирито чии членови буквално сакаа да и бидат ментор на Тина која потекнува од музичко семејство. Мајка и е Верица Русева познатата пејачка на Пицикато и Љубе добро познатиот тапанар од групата Интервали, но од пред повеќе години тие живеат и работат во Германија.
Тина со свеото семејство сега живеат во Леверкузен но музиката останува нејзин најголем адут. Таа на сцената на „The Voice of Germany“ ја отпеа песната „Do It Like A Dude“ од британската пејачка Џеси Џеј и едноставно ја крена публиката на нозе во студиото со нејзиниот глас, самоувереност на сцената.
,, Со сето срце верувам дека го дадов најдоброто од себе. The Voice of Germany отсекогаш беше повеќе од натпревар за мене. Беше мојата визија, мојата страст и мојата длабока желба. Живеев за овој момент! Со срце полнo музика, излегов на таа сцена и дадов се од себе. Се надевам дека адреналинот и емоциите што ги носев со себе се почувствуваа и од другата страна на екранот.“, ни изјави Тина
Ја запрашавме што може да вети за оваа натпреварување
„Што можам да ветам? Ќе продолжам да давам 100% емоција, вокал од срце и душа полна енергија. Ќе се трудам да ве направам горди во секоја прилика и на секоја сцена“ ни кажа Тина
Патот до завршницата на ова музичко шоу за Тина не бил лесен и едноставен. Имало многу селекции, чекања, адреналин, надеж. Имало повеќе илјади кандидати, но македонското девојче се најде во стотината кои добија можност да се појават на сцена и телевизија. Кажа дека кога била на сцена ја чуствувала и поддршката од родната земја Македонија.
,,Македонија ја носам со себе каде и да одам. Таа е мојата внатрешна сила, мојата инспирација, мојот идентитет. Нема ништо поубаво од тоа кога поддршката доаѓа токму од мојата земја, од моите луѓе. Од срце ви благодарам на сите,, вели Тина
Тина Русева беше дел од многу фестивали и музички натпреварувања во земјава. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
