Спортската сала во Радовиш ќе добие нов лик за што ќе се реконстурираат подот и трибините. Скопската фирма Битем го доби тендерот на Министерството за спорт за што ќе бидат потрошени 314 илјади евра. Тие понудија пониска цена на тендерот на кој се јави и фирмата Ленди груп од Скопје.
Согласно склучениот договор се планира да се реконстурираат трибините при што ќе се демонтираат постоечките и ќе бидат монтирани нови 2 100 пластични столчиња на бетонските трибини кои треба да бидат со квалитет и отпорни на вандалско однесување.
Ќе биде поставен нов под со површина од 1 150 метри квадратни при што се планира подот да биде со паркет. Паркетот треба да биде со димензија не помала од 400/700 милиметри со д=22 мм. Се планира со комплет монтажа-систем лепење и ковање, стругање и фугирање, полирање, лакирање со две раце основен лак и две завршен полиуретански лак.
Како што подвлече министерот за спорт Борко Ристовски до крајот на оваа или почетокот на 2025 се очекува да завршат работите во радовишката спортска сала.
,,Не можеме да бараме базичен спорт, а уште помалку врвен спорт ако немаме основни услови за функционирање. Радовиш, секогаш е бил спортски град и со задоволство го прифативме проектот на градоначалникот, за оваа култна сала да ја вратиме таму каде што и е местото„ изјави министерот за спорт – Борко Ристовски.
Дополнително Општина Радовиш со свои средства ќе ги реновира тоалетите и инфраструктурниот дел околу салата.
„Денеска сме сведоци на отпочнување на градежните активности на спортската сала која за Радовиш, значи многу. Овде се случуваат сите тренинзи, сите спортски и културни настани и радовишани, конечно после 20години ќе го вратат сјајот на салата„ изјави градоначалникот на Радовиш, Ацо Ристов.
В.Трајков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
