Младиот стратег Стојанов Александар е назначен за нов шеф на стручниот штаб на ФК Беласица соопшти клубот на својата официјална ФБ страна. Управата на клубот му ја довери оваа позиција бидејки како што е објавено амбициите на Стојанов и целите на клубот се свопаѓаат а тоа е експресно враќање на ФК Беласица во прволигашкото друштво и тоа за клупскиот јубилеј 100 години постоење.
„За мене преставува огромна чест и задоволство што после долги години ми се укажа прилика од страна на раководните луѓе да се вратам во мојот матичен клуб. Ќе се трудам да работам најдобро што можам, ветувам напорна работа, а сите во клубот си поставуваме една цел, а тоа е за 100 – годишнината на клубот, роденденскиот поклон за нашите навивачи да биде експресно враќање во ПМФЛ“, изјави Стојанов.
Стојанов како фудбалер потекнува од ФК Беласица.Бил и член на ФК Хоризонт Турново и ФК Победа Прилеп, пред повторно да се врати во ФК Беласица каде ја завршува играчката кариера. Тренерската кариера ја започнуваво Беласица а од 2015 е член на ФК Академија Пандев, каде беше тренер во младинските категории и го освои купот со генерација 2001. Две години беше и асистент тренер во првиот тим, а последната година беше координатор на младинската школа, каде под негово водство ФК Академија Пандев заврши на прво место на целокупната табела
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
