Летово се договара да отпочне конзервацијата на Пирго кулата над населеното место Мокриево, објавија од Општина Ново Село откако денеска во локацијата беа градоначалникот Ѓеорги Божинов заедно со вд директорот на НУ Завод и музеј Струмица Бранко Ѓоргиев, археолозите Душко Цветанов и Зоран Рујак и универзитетскиот професор при УГД Трајче Нацев.
,,Конзервацијата на Пирго кулата и уредувањето на просторот околу неа се
договара да почне во месец Јуни, согласно изработениот основен проект
финансиран од општина Ново Село. Конзервацијата ќе се врши со обезбедени средства од Министерството за култура,, објавија од Општина Ново Село
Станува збор за доцна античка кула изградена во периодот меѓу 5 и 6 век, која според сите претпоставки била користена и во периодот на Цар Самуил и се споменува во беласичката битка. Се претпоставува дека била набљудувачница . Дека во јуни ќе има реконструкција потврди и Министерството за култура на својата ФБ страна.
,, Пирго е позната локација каде особено на пролет и во лето месното
население и многу госити често прават излети и се организират настани.
Местото плени со природната убавина, чистота и свежина. Реконструкцијата на славната кула Пирго е остварување на идеја на повеќе генерации затоа што постоеле повеќе иницијативи и петиции на многу жители и иселеници од овој крај,, стои во соопштението од Општината
Во мај 2023 тата откако Општина Ново Село потпиша меморандум со Заводот и Музеј Струмица, преставници од ова институција излегоа на терен и правеа теренски активности за изработка на основниот проект.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
