Ова година се очекува да се гради локалниот пат меѓу населените места Погулево и Дамјан во општина Радовиш. Станува збор за проект вреден 16,1 милион денари кој ќе се реализира преку Центарот за развој на Југоисточниот плански регион за што од Бирото за регионален развој обезбедени се 11,3 милион денари а општина Радовиш како партнер ќе учествува со 4,8 милиони денари.
,,Овој проект предвидува доизградба на локален пат во вкупна должина од 1.930 метри кој се протега меѓу населените места с. Погулево и с. Дамјан, на територија на општина Радовиш, која е партнер во овој проект.Оваа делница е од круцијална важност и значење за овој дел од регионот од аспект на развојот на стопанските дејности како и пристап до земјоделско земјиште, пристап до сточарските фарми и познатите културно-историски локалитети,, соопштија од Центарот за развој на Југоисточниот плански регион
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
