Ќе се гради кружен тек на раскрсницата меѓу улиците 24 ти Октомври и Братство и Единство во Струмица. Општината во август годинава склучила договор со фирмата Џови Компани откако претходно распиша тендер на кој се јавиле три фирми а фирмата од Мокрино достави најниска понуда. Кружниот тек ќе чини 3 милиони и 669 илјади денари или 59, 6 илјади евра.
Според потпишаниот договор, станува збор за градежен дел за изведба на кружниот тек како и за сообраќајни знаци и опрема како и обележување на хоризонтална сигнализација. Како што е наведено во договорот, сите работи треба да биде готови во рок од шест месеци од денот на воведување на фирмата во работа од страна на општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
